Iderginen (Bgayet) : mmuten sin n yemdanen deg usehwu n ubrid

Γef leḥsab n yisallen n tenmehla n uḥuddu aɣarim, tegrareb ass-a ɣef lewhi n 09: 00 n tnezzayt yiwet n tkerrust deg umḍiq uzebbuj taɣiwant n Yiderginen.

Seld imi i asen-d-yewweḍ yisalli, iqeddacen n uḥuddu aɣarim uzzlen ɣer wadeg-nni, meεna ufan tawaɣit teḍra. Sin n yimdanen i yemmuten d iwetman di sin. Dɣa ssufɣen-ten-id wwin-ten i sbiṭar.

Akken i nella nemmeslay-d fell-as yakan, adeg-a umu qqaren amḍiq uzebbuj i yellan deg ubrid aɣelnaw uṭṭun 09  gar Bgayet d Ṣtif, neɣ i yettawin seg tɣiwant n Yiderginen i tin n Ssuq Letnin d amahi ameqqran ɣef yinehharen, acku d ṭṭuq ur nettwafreg akken iwata. Taɣellist deg-s txus nezzeh.

Ad d-nesmekti belli mačči d tikkelt tamezwarut i tegrareb syin tkerrust, llan yisehwa i d-yeḍran yakan iseggasen yezrin. Daymi wid teεna temsalt ilaq ad d-gren iman-nsen ad d-afen tifrat.

Di taggara, ad sgunfunt terwiḥin n wid yemmuten di talwit.