Yemdel ubrid aɣelnaw wis 09 deg Lberǧ Mira

Kkren kra n yimezdaɣ n Lberǧ Mira, seg tsebḥit n wass-a, i usekker n ubrid aɣelnaw wis 09 di temnaḍt n Lberǧ Mira. Yuɣ lḥal, yettawi ubrid-a seg waɣir Bgayet ɣer win n Seṭṭif.

Ɣef leḥsab n yisallen i aɣ-d-yuwḍen, ssuturen yimdanen-a ad ɛiwden yimdebbren-nsen tamuɣli deg wumuɣ n wid i d-yesfayden s yixxamen inmettiyen.

Ad d-nesmekti dakken deg tɣiwant n Yiderginen i yella yettwaqfel ubrid-a send ad as-serrḥen yimsutren. Dɣa kemmlen i tigawt-a n usekker kra n yimezdaɣ n tɣiwant n Tsexriwt (Taskriout), i yeggugen s wazal n 60 n yikilumitren ɣer usamar n Bgayet.

Ayendin d amxudneq i d-yennulfan deg ubrid, d ayen yeǧǧan urrif ad iqeɛɛed iman-is deg yiqerra n yinehharen. D ayen i d-iḍerrun s waṭas taggara-a di Bgayet.