Galma: tettwasreɣ yiwet n tlemẓit i yesεan 19 n yiseggasen

Ass n amhad ( jeudi ) 9 dujember 2021, ɣef lewhi n 12: 00 n wass, i tettwanɣa tlemẓit Marya Ben Madani. Taneggarut-a, seld imi εerḍen ad tuεeddin ɣef nnif-is, deg wadeg umu qqaren ” iɣẓer n Zennati “, deg twilayt n Galma, teffeɣ-asen-d mgal tugi-asen.

D ayen i ten-yeǧǧan xedmen deg-s lmuḥal. Dɣa, seld imi i as-yeṣṣerwa yiwen deg-sen tiɣrit, yenɣa-tt, yerna yesmar lmaẓut ɣef tfekka-s yeṣṣreɣ-itt.

Ad d-nesmekti belli, Marya laṣel-is seg Lexrub, tawilayt n Sirta, d tin ixuṣṣen cwit deg leεqel segmi texdem asehwu akked baba-s yemmuten.Yuɣ lḥal, d nettat i tasfelt tis 53 ara yettwanɣen deg useggas-a n 2021. S unamek-nniḍen, tuɣal tmenɣiwt n tlawin di Tmurt n Lezzayer, am win yezlan tayaẓidt.

I yisalli, ɣas ma yella tettwawi Marya ɣer ṣbiṭar. Lameεna, ur teṣṣaweḍ ara ad tidir. Ccil teεreḍ ad teṣṣeɣleb ɣef leqriḥ-is, beṣṣeḥ ayen i gan deg-s yugar tazmert-is.

Di taggara, yemma-s n Marya d wid akk i tt-iḥemmlen, ssuturen ad texḍem teɣdemt ccɣel-is. Imi win i tt-yenɣan ass-a, yezmer ad yernu tayeḍ azekka.