Amany Al-Ali : tamsuneɣt yettnaɣen s ukeryul

Amany Al-Ali d tamsuneɣt u d takarikaturit tasurit yettidiren deg yeɣrem n Idlib deg Ugafa-Umalu n tmurt. Tebda takarikaturt deg useggas n 2016 anda i d-tettawi isentalen yerzan timetti seld ad tezzi ɣer yisentalen n tsertit.

Di tazwara, imezdaɣ n temdit n Idlib d wid i tt-iwalan s yir tamuɣli imi tella d tameṭṭut tanaẓurt yeggaren iman-is di tlufa n tsertit.

Maca segmi bdan ttmeslayen-d ɣef leqdic-is d umennuɣ-is deg tmura n lbarani, tamuɣli n medden fell-as tbeddel. Assa, aṭas i yettabaεen axeddim-is, rnan ttqadaren amennuɣ-is. Amennuɣ n Amany Al-ali mgal anagraw n Bachar Al-Assad u mgal timetti iḥegfen tameṭṭut. Izerfan ɣef wacu tettnaɣ Amany Al-ali d wid n wemtawi gar wergaz d tmeṭṭut akked uzref n tlelli.

Ɣas ttgallan fell-as, maca ur tugad ara, rnu tugi ad teffeɣ seg temdint n tlalit-is. Mazal-itt tettnaɣ s ukeryul u tettara-d s tkarikaturt imeṭṭawen n tlawin n Idlib d usiremn n uɣref asuri yebɣan talwit d tlelli.

Amar BENHAMOUCHE