Tidukkla tadelsant Adrar n Fad: tiɣri i tikkin di tfaska n ufexxar ansayan n At Smaεel

Am yal tikkelt wid iḥemmlen taẓuri s wudem n uqennuc saεεun ttiεad myal aseggas akked tdukkla tadelsant Adrar n Fad n At smaεel.

Dɣa, berrḥen-d yimḍebbren n tdukkla-ya ɣef ttiεad n teẓrigt tis 9 n tfaska n ufexxar ansayan ara yilin seg 27 armi d 29 ɣuct i d-iteddun.
Ha-t-aya uberreḥ-nsen :

Tiẓrigt tis 9 n tfaska n ufexxar ansayan n Ayt Smaεel

I wid iḥemmlen taẓuri, i wid yettwalin ccbaḥa n uqennuc n yideqqi,d wid yeẓran azal-is, tidukkla tadelsant Adrar n Fad ad awen-d-tefk ttiεad seg 27 armi d 29 ɣuct 2026, ilmend n teẓrigt tis 9 n tfaska n ufexxar ansayan.

Deg yirebbi n udrar n fad, anda ideqqi mazal-it d inigi ɣef umezruy n lebni d usbedd n yiqennucen i refdent tlawin-nneɣ seg zik armi d ass-a. Leqdic-a i yuɣalen d ansay seg wansayen n temnaḍt-nneɣ, terfed-it tmeṭṭut tasmaεlit, teṭṭef deg-s, tuɣal tettεawan s yes-s ula d iman-is d twacult-is,

Di teɣzi n kraḍ n wussan, d tagnit i wid yebɣan ad d-sseknen leqdicat-nsen, d wid yebɣan ad issinen afexxar d yiqennucen n temnaḍt n Ayt Smaεel, akken ad mlilen ad mbadalen timussniwin d tektiwin.
Ddeqs n leqdicat-nniḍen ara yilin di ttiεad; ama d tufsirin, isaragen, asider n yidles…..

Ilit di ttiεad akken ad nesfuggel ccbaḥa n wakal, times, d usnulfu!
Ansuf yes-wen!

🏺 9ᵉ Édition du Salon de la Poterie d’Aït Smaïl 📅 Du 27 au 29 août 2026
Au cœur des montagnes de la Kabylie, là où l’argile garde la mémoire des ancêtres et où les mains des artisanes façonnent l’histoire, le village d’Aït Smaïl vous donne rendez-vous pour la 9ᵉ édition du Salon de la Poterie.
Pendant trois jours, ce rendez-vous incontournable célébrera le savoir-faire ancestral de nos potières, gardiennes d’un patrimoine transmis de génération en génération. Expositions, démonstrations de façonnage, rencontres avec les artisanes, animations culturelles, conférences et découvertes du patrimoine local seront au programme de cette grande fête de l’artisanat.
Le Salon de la Poterie d’Aït Smaïl est bien plus qu’une exposition : c’est un espace de rencontre, de transmission et de valorisation de l’identité culturelle de notre région.
Nous invitons le grand public, les passionnés d’artisanat, les chercheurs, les artistes et les amoureux du patrimoine à venir découvrir la richesse de cet héritage vivant et à soutenir les femmes qui perpétuent cet art millénaire.
Aït Smaïl vous ouvre ses portes du 27 au 29 août 2026. Venez célébrer avec nous la beauté de la terre, du feu et de la création.
Bienvenue au Salon de la Poterie d’Aït Smaïl !

« Quand la terre raconte l’histoire de nos ancêtres.